لوبوكلاج: فاطمة الزهراء البعمراني*
صغيرة فعمر الزهور زوجوها
فرضو عليها زواج ما رحموها
تقطر بدموع وردة قطفوها
بريئة الطفولة فحياتها غصبوها
من لعب وتمدرس حرموها
ما حسوش بها للمسؤولية دفعوها
من كثرت لعنصورية عقدوها
زواق ولباس بيض برزوها
تشوف بعيون حزينة صدموها
لحياة أخرى قدموها
لبيت زواج دخلوها
سداو عليها وحبسوها
ما حنوش فيها ولا عتبروها
لشقا و تمارة زيدوها
كحلو حياتها و سخوها
زواج الذل باش قهروها
في سن صغير عذبوها
حرام عليهم دمروها
الله ينتقم منهم مرضووها
شاعرة / زجالة*
