لوبوكلاج: حسن ميري
* زجل: حسن ميري
ركبت عود لخيال
وطرت بين زناقي
وصلت سبعة رجال
فين الثقافة تلاقي
فت على شلا احوال
وشفت گاع لحلاقي
حلقة مدورها زجال
وحلقة جامعه حماقي
مول البوگس شبعني تركال
وشيخات زادو ف شواقي
عيساوه عطاوني حبال
كانو لفاع ف حداقي
الشوافة ضربت لي الفال
وگناوة دخلو عماقي
رمى جابو ميزان الحال
ولقلم زممها باسماقي
حمادشا شربوها اعدال
وضرك كالوه شداقي
شلا طناجر ماكله حلال
العواصير وغْلاَلْ مراقي
تجمع الغاشي منو شكال
من كل گنس جاو فراقي
عليها تعاگبت لجيال
بناها يوسف سوار وزناقي
حمرا وطبعها غزال
سحرت الروم بخلاقي
الكُتبية شاهدة بمقال
وجامع لفنا فيه اسواقي
سوار عالية مثل لجبال
ولمنارة فيها حداقي
يازاير زور سبعة رجال
والقصبه الباهية بشواقي
3 ماي 2024
